Cyffredinol

​

1. Ar ôl i chi brynu tocyn, ni fyddwn yn rhoi ad-daliad oni bai bod y perfformiad yn cael ei ganslo.

2. Ni ellir ail-werthu tocynnau am elw. Bydd gwneud hynny’n gwneud y tocyn yn annilys.

3. Mae’n bosib y bydd angen prawf o gymhwyster ar gyfer tocynnau gostyngol i gael mynediad i berfformiad.

4. Mae gennym hawl i newid prisiau tocynnau sydd heb eu gwerthu, a chyflwyno a thynnu gostyngiadau, cynigion arbennig a chonsesiynau.

5. Gallwn newid y rhaglen a chael artistiaid eraill lle bo amgylchiadau'n gwneud hynny'n ofynnol.

6. Ni ellwch recordio (naill ai sain neu fideo) unrhyw ran o unrhyw berfformiad oni awdurdodir chi'n benodol i wneud hynny.

7. Os byddwch yn cyrraedd yn hwyrach nag amser dechrau'r digwyddiad yna mae'n bosib y gofynnir i chi aros nes bydd cyfnod addas yn y perfformiad cyn y gallwch gymryd eich sedd. Efallai mai yn ystod egwyl y bydd hyn

8. Rydym yn cadw’r hawl i wrthod mynediad.

​

Gostyngiadau

​

1. Ar gyfer tocyn plentyn, rhaid i chi fod o dan 18 oed ar ddyddiad y perfformiad.

2. Ar gyfer tocyn myfyriwr, rhaid i chi fod mewn addysg lawn-amser ar ddyddiad y perfformiad. Rhaid i’r perfformiad hysbysebu tocynnau myfyrwyr er mwyn gallu cael gostyngiad, ni fydd bob perfformiad yn cynnig opsiwn myfyriwr.

3. Ar gyfer tocyn pensiynwyr, rhaid i chi fod yn 60 oed neu hŷn ar ddyddiad y perfformiad. Rhaid i’r perfformiad hysbysebu tocynnau pensiynwyr er mwyn gallu cael gostyngiad, ni fydd bob perffromiad yn cynnig opsiwn pensiynwyr.

4. Er mwyn prynu tocyn Aelod, mae'n rhaid bod wedi ymaelodi fel aelod o'r theatr o flaen llaw, gallwch wneud hynny yma. Rhaid i’r perfformiad hysbysebu tocynnau aelodau er mwyn gallu cael gostyngiad, ni fydd bob perfformiad yn cynnig opsiwn aelodau. Ni chaiff unrhyw un sy'n aelod o'r theatr brynu 'tocyn aelod' ar gyfer unigolion sydd ddim yn aelodau o'r theatr.

5. Mae gennym hawl i gyflwyno a dileu gostyngiadau. Efallai na fydd gostyngiadau ar gael ar gyfer pob perfformiad.